This page has been proofread.
L’estras de mi tempe
Alor calara ;
E dóu grand ploura
Moun regard qu’èi trempe,
De gau lusira.
Alor calara ;
E dóu grand ploura
Moun regard qu’èi trempe,
De gau lusira.
Moun paire s’oupauso
À-n-aquel acord :
De touca soun cor,
Vous èi pau de causo,
Bèlli Santo d’or !
À-n-aquel acord :
De touca soun cor,
Vous èi pau de causo,
Bèlli Santo d’or !
Emai fugue duro
L’óulivo, lou vènt
Que boufo is Avènt,
Pamens l’amaduro
Au poun que counvèn.
L’óulivo, lou vènt
Que boufo is Avènt,
Pamens l’amaduro
Au poun que counvèn.
La nèspo, l’asperbo,
Tant aspro au culi
Que fan tressali,
I’a proun d’un pau d’erbo
Pèr li remouli !
Tant aspro au culi
Que fan tressali,
I’a proun d’un pau d’erbo
Pèr li remouli !
O Sànti Mario,
Que poudès en flour
Chanja nòsti plour,
Clinas lèu l’auriho
De-vers ma doulour !
Que poudès en flour
Chanja nòsti plour,
Clinas lèu l’auriho
De-vers ma doulour !
