This page has been proofread.
Oh ! noum de sort ! pàuri bestiolo !
De fournigasso, roujo e folo,
Dóu nis e di nistoun venien de s’empara :
Tres èron deja mort ; lou rèsto,
Empesouli d’aquelo pèsto,
Sourtié foro dóu nis la tèsto,
Que semblavo me dire : Oh ! venès m’apara !
De fournigasso, roujo e folo,
Dóu nis e di nistoun venien de s’empara :
Tres èron deja mort ; lou rèsto,
Empesouli d’aquelo pèsto,
Sourtié foro dóu nis la tèsto,
Que semblavo me dire : Oh ! venès m’apara !
Mai uno nèblo de fournigo
Mai verinouso que d’ourtigo,
Furouno, acarnassido, alabro, li pougnié ;
E iéu, apensamenti qu’ère
Contro lou manche de moun ferre,
Dins la garrigo entendeguère
La maire qu’en plourant piéutavo e li plagnié.
Mai verinouso que d’ourtigo,
Furouno, acarnassido, alabro, li pougnié ;
E iéu, apensamenti qu’ère
Contro lou manche de moun ferre,
Dins la garrigo entendeguère
La maire qu’en plourant piéutavo e li plagnié.
Aquéu recit de maluranço
Es tournamai un cop de lanço :
Dóu paire e de la maire a gounfla lou segren.
E coume, en Jun, quand vers la plano
Mounto en silènci la chavano,
Que, cop sus cop, la Tremountano
Uiausso, e que lou tèms de tout caire se pren,
Es tournamai un cop de lanço :
Dóu paire e de la maire a gounfla lou segren.
E coume, en Jun, quand vers la plano
Mounto en silènci la chavano,
Que, cop sus cop, la Tremountano
Uiausso, e que lou tèms de tout caire se pren,
Vèn lou Marran. Dins li bastido
Soun noum avié de restountido ;
E lou vèspre, enterin que li miòu estaca
Tiron di grùpi la luserno,
Souvènt li ràfi, quand iverno,
Abenon l’òli di lanterno,
En parlant de la fes que vengué se louga.
Soun noum avié de restountido ;
E lou vèspre, enterin que li miòu estaca
Tiron di grùpi la luserno,
Souvènt li ràfi, quand iverno,
Abenon l’òli di lanterno,
En parlant de la fes que vengué se louga.
