This page has been proofread.
La grand bancado remoulino,
Coume en furour ; de la toumplino,
Fourquejaire, gardian, gardianoun, rèn pousquè
Se n’en sauva ! Lou mèstre, l’iero,
Lou drai, li cabro, li garbiero,
Li primadié, la rodo entiero,
Dins lou toumple sèns founs tout s’aproufoundiguè !
Coume en furour ; de la toumplino,
Fourquejaire, gardian, gardianoun, rèn pousquè
Se n’en sauva ! Lou mèstre, l’iero,
Lou drai, li cabro, li garbiero,
Li primadié, la rodo entiero,
Dins lou toumple sèns founs tout s’aproufoundiguè !
— Me fai ferni ! diguè Mirèio.
— Oh ! n’i’a bèn mai, o vierginèio !
Deman, dirès bessai que siéu un foulinèu,
Veirés, dins soun aigo blavenco,
Jouga lis escarpo e li tenco ;
E li merlato palunenco
De-countunio à l’entour canta dins li canèu.
— Oh ! n’i’a bèn mai, o vierginèio !
Deman, dirès bessai que siéu un foulinèu,
Veirés, dins soun aigo blavenco,
Jouga lis escarpo e li tenco ;
E li merlato palunenco
De-countunio à l’entour canta dins li canèu.
Vèngue lou jour de Nostro-Damo.
Lou soulèu, courouna de flamo,
À mesuro que mounto à soun pounteficat.
Emé l’auriho contro terro
Boutas-vous plan, plan, à l’espèro :
Veirés lou gourg, de linde qu’èro,
S’ensourni pau-à-pau de l’oumbro dóu pecat !
Lou soulèu, courouna de flamo,
À mesuro que mounto à soun pounteficat.
Emé l’auriho contro terro
Boutas-vous plan, plan, à l’espèro :
Veirés lou gourg, de linde qu’èro,
S’ensourni pau-à-pau de l’oumbro dóu pecat !
E di founsour de l’aigo fousco,
Coume de l’alo d’uno mousco
Ausirés pau-à-pau s’auboura lou zounzoun ;
Pièi es un clar dindin d’esquerlo ;
Pièi, à cha pau, entre li berlo,
Coume de voues dinsuno gerlo,
Un orre jafaret qu’adus la fernisoun !
Coume de l’alo d’uno mousco
Ausirés pau-à-pau s’auboura lou zounzoun ;
Pièi es un clar dindin d’esquerlo ;
Pièi, à cha pau, entre li berlo,
Coume de voues dinsuno gerlo,
Un orre jafaret qu’adus la fernisoun !
