This page has been proofread.
Coume un roumiéu de Santo-Baumo
Que, nus, de lassige e de caumo
S’estalouiro e s’endor au founs d’un vabre. — Hòu !
L’ausès ?… hòu de la ratamalo !
Hòu ! hòu !… En cuberto vo’n calo,
Me passarias ’mé ma cavalo ?
De liuen lou capounas crido à tres barqueiròu.
Que, nus, de lassige e de caumo
S’estalouiro e s’endor au founs d’un vabre. — Hòu !
L’ausès ?… hòu de la ratamalo !
Hòu ! hòu !… En cuberto vo’n calo,
Me passarias ’mé ma cavalo ?
De liuen lou capounas crido à tres barqueiròu.
— Vène léu, vène, bono voio !
Respoundeguè ’no voues galoio,
Que, pèr vèire mounta de la niue lou calèu,
Entre li remo e la partego
Lou pèis entrefouli vanego…
La pesco prèsso, acò boulego,
Moun ome ! l’ouro es bono… Abordo, abordo lèu.
Respoundeguè ’no voues galoio,
Que, pèr vèire mounta de la niue lou calèu,
Entre li remo e la partego
Lou pèis entrefouli vanego…
La pesco prèsso, acò boulego,
Moun ome ! l’ouro es bono… Abordo, abordo lèu.
En poupo lou fena s’assèto.
La cavalo, darrié la bèto,
Nadavo, la caussano estacado à l’estrop.
E li grand pèis, vesti d’escaumo,
Abandounant si fóunsi baumo,
Dóu Rose mouvien la calaumo,
E lusènt, boumbissien à l’entour de la pro.
La cavalo, darrié la bèto,
Nadavo, la caussano estacado à l’estrop.
E li grand pèis, vesti d’escaumo,
Abandounant si fóunsi baumo,
Dóu Rose mouvien la calaumo,
E lusènt, boumbissien à l’entour de la pro.
— Mèstre pilot, dono-te gardo !
La nau, sèmblo que vèn panardo !
E lou qu’avié parla, pèd sus banc, sus lou rèm
Tourna se pleguè coume un vise.
— I’a’n moumenet que me n’avise…
Pourtan un marrit pes, vous dise,
Respoundè lou pilot ; e pièi diguè plus rèn.
La nau, sèmblo que vèn panardo !
E lou qu’avié parla, pèd sus banc, sus lou rèm
Tourna se pleguè coume un vise.
— I’a’n moumenet que me n’avise…
Pourtan un marrit pes, vous dise,
Respoundè lou pilot ; e pièi diguè plus rèn.
