Page:Mistral - Mireille-Mirèio (1861).djvu/164

   O, longo-mai n’en vegues naisse,
   E li coundugues dins lou paisse !
Ai couneigu toun grand ; e certo, acò ’ro em’éu
   Uno amista de longo toco !
   Mai quand pièi l’age nous desfioco,
   À la clarta de nosto moco
Demouran en repaus, e l’amistanço, adiéu !

   — Es pas lou tout ! venguè lou drole,
   E noun sabès qu’èi que vous vole :
Mai d’un cop, au Sambu, quand venon li Craen
   Querre de càrri d’apaiage,
   Entandamnens que de si viage
   I’ajudan faire lou bihage,
Di chatouno de Crau arribo que parlen ;

   E m’an retra vosto Mirèio
   Tant de moun goust, qu’a vosto idèio
Se trouvas Veranet, voste gèndre sara…
   — Veranet ! Pousquèsse lou vèire
   Cridè Ibmoun, que de toun rèire,
   De moun ami lou gardian Pèire
Lou sagatun flouri noun pòu que m’ounoura !

   E coume un ome que rènd gràci
   Au Segnour Diéu, dins lis espàci
Aubourè si dos man ’m’ aquesto esclamacioun :
   Mai qu’agrades à la pichoto,
   (Car èi souleto e la mignoto !)
   En proumierage de la doto
Lou sant toustèms t’avèngue e la benedicioun !