This page has been proofread.
— Aro coumence enfin de crèire
Que noun me parles en risènt :
Vaqui moun aneloun de vèire
Pèr souvenènço, o bèu jouvènt !
Que noun me parles en risènt :
Vaqui moun aneloun de vèire
Pèr souvenènço, o bèu jouvènt !
— O Magali, me fas de bèn !…
Mai, tre te vèire,
Ve lis estello, o Magali,
Coume an pali !
Mai, tre te vèire,
Ve lis estello, o Magali,
Coume an pali !
Noro se taiso ; res mutavo.
Talamen bèn Noro cantavo,
Que lis autro, enterin, d’un clinamen de front
L’acoumpagnavon, amistouso :
Coume li mato de moutouso
Que, penjouleto e voulountouso,
Se laisson ana ’nsèmble au courrènt d’uno font.
Talamen bèn Noro cantavo,
Que lis autro, enterin, d’un clinamen de front
L’acoumpagnavon, amistouso :
Coume li mato de moutouso
Que, penjouleto e voulountouso,
Se laisson ana ’nsèmble au courrènt d’uno font.
— Oh ! lou bèu tèms que fai deforo !
En acabant ajustè Noro…
Mai deja li segaire, à l’aigo dóu pesquié,
De si daioun lavon la goumo…
Cuei-nous, Mirèio, quàuqui poumo
Di sant-janenco, e ’mé ’no toumo
Nautre anaren gousta sout li falabreguié.
En acabant ajustè Noro…
Mai deja li segaire, à l’aigo dóu pesquié,
De si daioun lavon la goumo…
Cuei-nous, Mirèio, quàuqui poumo
Di sant-janenco, e ’mé ’no toumo
Nautre anaren gousta sout li falabreguié.
