Page:Mga Binalaybay V.3.pdf/46

38 Sa imo, dugusnong’ kaanyag

Ang isip maupod dayon; Sa imo, may maayong’ palad

Kalag nga malipayon. (Iluwa)

CANDIDO.

Ang lamhad nga aga daw ano kaanyag!

Banagbanag sa iya mga silak Gatigaytigay sang mga bulak Nga nagahatag puni sa patag. Ang Pasig! Nadunggan nyo’ng tulalay Sang mga kawayan sa may pangpang? Sa diutayng’ pispis inyo nadunggan Ang huning’ matam-is kag nanuhay? Isugid sa akon: ang katahuman Puni’g kadayawan nga madamo Nga ginapakita sang Makaako Sa kagayon nga katingalahan; Kag yana nga sulog nga mahipos Diin gadahog mga baroto, Wala gapaila, gaganyat sa inyo Sa daragilon yang’ matanos? Wala gasugid nga’ng kalipayan Niya sa putling’ Birhen nagikan, Nga nagapakita karon nga adlaw

Sa kahimtangan nga madayaw?

TANAN.

Wala’y duhadoha!

PASCUAL.

Yanang’ kasadya

Sang mga pumoluyo nabatyag; Yana’ng kasadyang’ nagapakunyag Nga magsinaot ang tagsatagsa. Bisan diin akon masumalarig Napanaptan maayo nga katawhan, Sa mga dalan; bata’g tigulang,

Nagagwa sa pagtan-aw tanan.

INANG.' BATA.

Ang hamhbal mo, Pascual, may katunay;

Kag gapati ako! Kay ang katawhan Nagpamutang nga wa’y magpalidan

Sang mga pakabit kag hayahay.

2HANG.’ BATA.

Yari dala nakon duitay nga alat

Sang mga bulak nga inoghalad

Sa Birhen....