This page has been validated.
- Makatlo’ng kalinong nga makahalanguyos
- Sa hugmayng’ katulugon inagda siang’ nalipay:
- Kag makatlo’ng guban sang sakayan may halong
- Sa lawod nga malapad iya gindumalahan. . .
- Nag-ampo sang ulihe. . .nga nagpabaya lamang
- Nga’ng sakayan bayaan!. . .Ay! mapintas nga palad. . .
- Sa dili sampaton nga mga kamot gintugyan
- Ang pagkadalagangan kag ngalan sang Castilla.
- Kag sa karon Kag ang sakayan
- Ang bahura Sa nanabawan
- May kahinali May kadalas
- Nagtunog, Sumaog.
- Nabugtaw si Colon sa sulit nga pagsunggo
- Nayon sa manabaw nga gilayon tumindog sia
- Kag nasayran ya’ng lain: nagsinggit nga may bakhu. ..
- Sakop ’ya nagdulugok, nga hinadlukan sa iya:
- Ang gahod.... siniyagit.... kag mga dinaguso
- Bisan diin madunggan!. . . . ang guban(3) sa bahura
- Nagduot; sa pagbulig nagtinguha’ng tanan,
- Iban nagduhadoha kon sila nagdamgo lang.
- Si Colon lamang, subong daguob nga matunog,
- Sa tunga sang kahagnop sadto nga kagab-ihon,
- Nagsinggit; kag sa tubig mahinay nga ginhulog
- Ang diuting’ sakayan sa hambal nga talahaon
- Nagmando. . . apang dayon napuno, sa wa’y dulog,
- Wa’y huya nga tinawo, paglikaw naghaguyon:
- Sia’ng naghulat malig-on, sia lang ang may katawhay;
- Kamatayong’ mapintas nagsumpong, nakig-away.
- Wa’y pulos ang kinaalam, ang mga paghingagaw
- Batok sa mga tubig nga subong sang gin-ukay
- Wa’y pulos nga nagsumpong sia nga may pagkapigaw
- Batok samga waswas nilang’ makamamatay,
- Kag ang di-ikasangkol ni Colon nasalawsaw.. . .
- “Diri mo kami nakuhal” sa among’ tion nanayday,
- Sa singgit sang pagdaog makalipay nga labi,
- Kag dayaw sa himaya nga sang trompeta huni.
_________
(3) Guban ― Grupo sang mga sakayan.
