1463 746
SA MAGABASA.
Abyan nga magabasa:
Sa pagbucás mo sang pinanid sining cubus nga balasahon, guinacalipayan co sing dacù con macabulig man paghatag sing diutay nga calingauan sa imo painoino ang pagbasa sa iya.
Guinaquilala co -nga ang acon igsusulat malayó untà nga macabantoc sa pinanid sang isa ca balasahon, sing mga matahum nga balatiagon nga macahatag sing cauili sa taguiposoon sang isa ca bumalasa, sing matam is.nga mga tinaga, nga amó bilang ang binilug sang maamion nga mga bulac nga guinauas ag sang isa ca bulauanon nga igsusulat sa paghatag sing duag sa tagsa niya ca sinulatan; apang sa dacù nga pagtinguhà, guinpang ahasan co cag palacton, dili tungud sa pagpaquig-impon sa ngalan sang mga maayo nga magsusulat, dili tungud sa handum nga maca agum sang pagdayao sang bumalasa cundi tungud lamang sa isa ca pagtinguhà nga ayhan basi pa con macabulig man paghatag sing calingauan sa buot sang acon mga casimanua nga nagasapopo sang iya pulong nga caugalingon, cag basi pa con macabulig man paghatag sa ila sing diutay nga capuslanan.
