— 64 —
MAGDALENA JALANDONI.
LUCIA
Ilang-Ilang, amó ang paghingalan sang puló nga guinsaylohan sang panimalay ni tiyó Andong.
Ini nga ngalan, quinuha sa madamù nga pinonó sang Ilang Ilang nga nagapa. lanubó sa higad sadtong masangcad nga dalan, nga sa tanan nga adlao nagauasag sang ila mga bulac, cag nagahatag sing mabugnao nga handong nga sarang mapasilongan sang pilá ca umalagui nga nagalatas didto con nagahingudto ang adlao cag masaquit ca.ayo ang init.
Ini nga mga cahoy guintanum sadtong una nga mga adlao sang pilá ca ca ma-anyag nga cadalaganhan nga nagapuloyó anay sa amó man nga puló cag nacausic sang ila ma-anyag nga mga adlao sa amó nga caduta-an, gani, tungud sini, guinbutang didto ang ma-anyag nga ngalan sang amó nga bulac, sa paghatag sing handumanan sa ila malahalon nga mga agui.
