(-33-)
niya sa iban, apang gninbugayan man niya sing
isa ca matahum nga tingug, gani, may quinabatasan si Rufo sa pagcanta sang mga matam.
is cag malolo nga calantahon, cag sampaton sia
magpatunog sang guitarra nga amó ang nagabuylog sa iya malaniug cag malahalon nga tingug.
Sa sulud sadtong diutay niya nga balaligyaan ang iya guinahimo con nagahingudto ang adlao cag culang ang nagasulud nga mamalacal, amo ang pagpatunug sang guinapacamahal niya nga guitarra nga sa dili lamang madugay, guinadugoc sia sang mga magamay nga cabataan sa ualay iban nga tuyo, cundi ang pagpamati sang matahum nga tunog sang guitarra nga iya guina uyatan.
Sang isa ca cahapunanon nga masingcal ca ayo ang init cag ang adlao nagabinamput ha sa icaduha ca isip sang caorason, si Rufo, lumingcud sa isa ca lingcuran nga nabamtang sa ganhaan sang amó nga balaligyaan sa pagpatunog sang iya guitarra, cag sang iya ini guinabagay, sa ualà madugay nga tion sumulud ang isa ca bata nga babae nga halus macalambut sa panuigon nga pito ca tuig, maanyag nga subong sang larauan sang isa ca Angel, apang nasaputan sang isa ca cubus nga panapton, cag sa iya daguay, nagapahayag nga isa sia ca anac nga gumican sa isa ca imo! nga panimalay sa Catunggan.
Sang iya pagtamuà sa ganghaan, tumindug sia cag pumalicud sang duha niya ca camut nga ang iya maanyag nga mga mata, tumamud sa guitarra nga guina uyatan sang nagabagay cag sa manayanaya nia nga pangguyahon na-
Lucia. 1 - 3
