(-26-)
alilà ni tiyo Andong nga subong sang iya
anac nga caugalingon, guinhalaran ni tiya
Marcela sang bug-os niya nga cabudlay sa
pagbatiti, guinpalangga niya cag iya guintalusan sang iniloy nga gugma nga naualà sa .
cailo nga batá.
Nabilin man sa ila panimalay ang but-anan nga sulogoon ni Dolores nga sang buhi pa sia guintugyan man niya sa duha ca mag-asaua nga dili nila pagpabay-an, cag sugo on nila cutub sang iya masarangan.
Ang mga buluhaton ni Inocencio sa sulud sang balay, amo ang pagtuman sang mamagan nga casugu an ni tiya Marcela, ang paglibang con caisa cay Lucia, cag ang pag-upud man cay tiyo Andong sa pagpanagat sa mga malinong nga caorason sa tingadlao.
Sa sulud sadtong imol nga panimalay ni tiyo Andong, nagpuyò si Inocencio sing ma linong nga subong sang sa luyo sang iya mga mahirup nga himatá, cag con nagalibang sia sa diutay nga Lucia, sa masunsun guinahadcan niya ang nauong sadtong maanyag nga bata, nga ang iya taguiposoon nagabatyag sing tuman nga caauá cag pag. calooy.
Lumigad ang tatlo cag tuig nga pagpuyò ni Inocencio sa balay sang duha ca ma inaua on nga miño, cag lumigad man ang ang malauig nga mga adlao sang paglibang niya cay Lucia.
