(-23-)
camo na ang mahibalo sa iya tubtub nga macaligad sia sa mapiut nga mga adlao sang
iya cabuhi.
Ipa ambit ninyo sa iya inang gugma nga 'guinasab ug sang inyo taguiposoon nga amo lamang ang macapatunong sang masubù nga pagtangis sang isa ca macalolooy nga iloy, nga nagapangità sang iniloy nga gugma nga naualà sa iya.
Ibulog ninyo ang inyo calo calo oy sa sining anac nga guinatuguïan co caron sa inyo sa tuman nga pagsalig, cag batuna ninyo sia sa ubus na pumiyung ang acon aga mata Sa paghiagum sang isa cadayon nga catulugon.....
Ang mag-asaua nga nagapamati sadtong masubù niya nga mga pulong, nacahibi sa tuman nga calooy sa iya, cag ang ila maloló nga taguiposoon bumatyag sing tuman nga calipay sa pagbaton- sadtong malahalon nga handumanan nga guinabahin sa i'a ni Dolores.
Salamat, Dolores-ang sabat nila- cay caron naquilala namor ang imo bug-os nga pagsalig sa amon; naquilala namon nga guicabig mo cami nga subong sang imo mga guinicanan, cag inang bunayag nga taguiposoon nga guinapaquita mo sa amon, pagabalusan man namon sing isa ca inamay nga gugma.
Batunon namon sa tuman nga calipay ining anac nga guinabilin mo caron sa amon, cag sia lamang nga ualà na sing iban ang mahulugan sang amon inamay nga gugma, sia ang magatal us sa bahin sang isa ca anac nga naculang sa amon, sia ang mangin tag iya sang amon bug-os nga capalaran, sia
