—237—
iya guinahalad sa matahum nga ca adlauan sang pagcasal sa ila.
Sang maquita ni Lucia ang cubus nga daguay sadtong cailo nga batà, binalusan niya sing isa ca malolò nga panuloc cag isa ca manayanaya nga nauong sa pagpahayag sang dacú niya nga calo oy, cay naquilala niya nga ining amó nga batá, amo man ang bata nga nagatuytuy sa cailo nga tigulang nga iya guihapon guinalimusan sa gangha an sadtong simbahan cag nagcadto sa paghalad sa ila sang ma amion nga mga bulac sa amó man nga ganghá an sa pagbalus sang madamú nila nga utang.
Sang ubus niya mauas ag yadtong ma-amion nga mga bulac, pinulot niya ang guitarra cag patungon sa matahum nga tingug nga guina buylugan sining masunud nga calantahon:
Himayá sang nagpangas sing catimaua an, sa ilo nga bata, bulag nga tigulang; sa duha ca imol nga ualà sing dangpan, linibong calo oy inyo guinpautang.
Ma azul nga langit, adlao nga masilac, matuud nga sacsi sang mahal nga bubat; pangas ninyong binhè, cabay nga "mamulac, ang cabulahanan inyo nga madangat.
Natapus ang iya pagcanta sang tumaliuan na sa gangha an yadtong duha ca ma-anyag nga pamatan-on nga amó pa lamang quinasal sa pagsuud sing isa ca bulahan nga panga buhi.
--Catapusan.--
(Natapus pag imprenta sang 24 sa Dic. sa 1919)
