(-16-)
Natunong ang iya masubù nga panuguiron cag ang maloloy on nga tagbalay nacahib sa pagpamati sang iya mapiut nga cahimtangan
—Salamat Dolores—ang pulong nia, — cay caron nasayuran co na ang masubù mo nga pangabuhi nga ubus mo sa acon icasuguid; cag con may cabubut on ca sa pagpuyo sa sining diutay namon nga puloy an, aco cag ang acon bana nalipay sing dacù sa pagbaton sa imo. Tungud sang dacù co nga calooy, iga upud ta namon sa pagpangabuhi cag ang amon diutay nga quinabudlayan igabulig namon sa pagsa. gud sa imo diutay nga anac tubtub nga madacù cag macahatag sa imo sing calipay, cay cami miño nga nagapuyo sa sini nga balay sing macapin na sa duha ca pulò ca tuig, cag sugud sang una nga mga adlao sang amon pagtiayon, uala cami paghatagui sang langit sing anac nga amó unta ang amon mangin. calipay.
Sang ubus na mabatian ni Dolores ang ma. abi abihon nga pag agda sa iya, humibi sia sa luyó sang tagbalay nga iya caatubang sa pagquilala sadtong bunayag nga cabubut-on nga guinahalad sa iya.
—Salamat abian, — ang pulong nia—salamat sa imo, joh dungganon nga taguiposo on nga bumating sing patugsiling sa sining cailo nga pinalid sa lauod sang casaquitan!. Cabay pa nga mabalusan ta sa olehe nga mga adlao, cag. con dili aco macadangat ang langit magabalus sa imo.....
