— 194 —
Ini nga mga panapton - ang pulong niya -guinbacal co nga igahatag sa inyo, tungud lamang sa acon calooy. Sa mga adlao nga Domingo, ilisan ninyo ang inyo guision nga panapton, sinang bag o nga acon caron guinabatag, agud macaimpon camo sa iban nga sumilimba con naga misa ang Pari.
Binaton sang tigulang ang malahalon nga limos nga guinahatag sa iya, binaton man sang bata yadong maputi nga panapton, cag hinadcan niya dayon sa atubangan ni Lucia sa pagpahayag sang iya bug os nga calipay.
- Madamù nga salamat inday, - ang pulong sang tigulang nga tumanglà cay Lucia - pagcamahal sining limes nga hinatag mo sa amon, cag cabalaslan namon sa imo nga dili cami macalimut tubtub sa amon camatayon.
-Dili ca na sina magdumdum cày cabubut on co nga ighatag sa inyo.
- Salamat inday, - ang pulong liuan sang tigulang nga guinapamulalungan niya sa pagputus ang mga panapton guinhatag sa iya -¡Dios lamang ang magabalus sa imo!
Gumuà si Lucia, nga guinasunud sang isa niya ca sologoon nga babaye; ang tigulang cag ang bata nabilin sa ganghàan sadtong simbahan.
Lumigad ang pila ca adlao.
Isa sang mga matahum nga aga sa Mayo, nga sa tapus na mauas ag ang mga matin-ao nga tinulò sang ulan, sumilac ang adlao sa paghatag sing cabuhi sa macanao nga pinanid sang cabulacan nga nagapamucadcad ca
- Lucia IV-2
