(-14-)
—Madamú nga salamat cay natuman ang guinapangabay co sa imo—ang pulong ni Dolores nga tumuloc cay tiyá Marcela cag magyuhumyuhum.
Ang tagbalay nga mapatugsilingon, ualà na magsagad usisà sang cahimtangan sang dumulu ong nga bago nagsaca sa iya balay, cag sa caluyag niya sadtong ma-anyag nga nauong sadtong diutay nga bata nga nagaculocadlao sa mga butcon sang iya iloy, dinauó niya cag hadcan sa tuman nga calipity.
— Pagcatahum sini nga bata sino ang iya ngalan.
— Si Lucia
— Batà mo ini?
— Con may igasogò
— May pila na ini ca bulan?
— Nagasulud na sa apat ca bulan.
Si Tiyà Marcela nga sa qalá madugay nga tion paquighirup sa pagpaquig pulong. pulong sa isa ca abian nga bag ó niya naquilala sa dacù nga cauili guintamdan niya ang maanyag nga nauong sadtong lanubo nga batà nga nacahuad sing maayo sa larauan sang iya iloy cag sa ila sini malahalon nga dag. bay, guinapaquilala niya nga dili gumican sa mga imol nga panimalay, cundi sa isa ca panimalay nga may cahimtangan cag nacapanilag sang mga maayo nga pamatasan.
— Caron Dolores —ang pulong niya — buut guid aco untà maquisayud con anano ang cabangdanan nga nacalambut ca diri sa amon pulò.
—Tiyà — ang sabát ni Dolores — ang malaut nga capalaran amó ang nagdala diri sa acơn, cag agud nga imo tanán masayuran igasuguid
