—181—
gumuà, si Lucia.
—¿Sin o ina?=namangcot sia sa isa ca tingug nga malolot.
—Aco nga nagađala untà sang sulat nga igahatag sa imo.—sumabat ang tauo nga na gatanglà sa iya.
—Sa diin inà maghalin?
—Iya ini ni Inés; mga lima na caron ca adlao nga guinpadulong nia sa balay, nga ihatag sa imo con caligad aco diri.
—Diin na bala sia caron?
—Subong sini nagamasaquit, sia cag sa bantà co, matamà ang iya pagbati.
Sa ualà madugay namucas ang isa ca sologcon sang ganghàan, cag dinaho niya yadtong sulat nga guinatunghol sang tauo.
Lumacat ang nagdala sang ubus na mabaton sa iya ang sulat, cag ini quinuhà ni Lucia sa sologdon cag dalhon sa hulot nga iya guinapuy an.
Binucaran niya ang sulat ni Inés sa luyo sang isa ca masanag nga sugà cag binasa ining masunud nga mga tugon, nga nasulat sa cubus nga mga letra cag dao halus na mabasa ang iban nia nga dinalan.
Sa guihapon hinigugma co nga Lucia; nagpabatyag sing dacù nga calipay sa acon taguiposoon ang isa ca balita nga nagasuguid sa acon sang pagliton mo sa matahum ninyo nga balay dirà sa higad sang baybayon.
Lumigad ang isa ca tuig sang aton mahirup nga paghambalanay sa tungà sadtong masiut nga catamnan sang simbahan, cag ualà na quità iuan magquitaay tubtub nga umabut ining sucat niya nga bulan.
Sa tagsa ca adlao nagabatyag aco sing to-
