— 172 —
pangadie, cag sa ualà madugay gumuà sila nga
duha sa simbahan, Sang ila pagabut sa saguà
lumingcud sila sa isa ca u úd nga cahoy nga
nahamtang sa tunga sadtong masi ut nga catamnan sa luyò sang nagapangamion nga mga bulac, cag sa tunga sang ila mahirup nga paghambalanay, quinuha ni Ines ang sulat nga naputus
sa iya panyò, cag tinunghol niya cay Lucia.
- Lucia ang pulong nia, -yari ang sulat ni Fernando nga guinsiling co sa imo cahapon,
- Dalha diri cay basahon ta
Dinaho ni Lucia ang natacpaa nga sulat nga guinatunghol sa iya; binucaran niya sang iya pagcabaton, cag sa luyó ni Inés, binasa niya ining masunod nga mga tugon ni Fernando. <Minamahal co ñga abyan.
- Lumigad na ang malauig nga mga tuig sang aton pagbinulagay,
cag lumigad man ang madamù nga horas nga tagsa sa ila guinahalad co sa pagdumdum sang aton malahalon nga mga agu......
Sugud sang paghalin mo sa inyo pulò, isa ca sulat ang napadalá co sa imo nga ualà na aco sing balus nga pinaabut cundi ang iya na lamang ni Inés nga nagasuguid sang madali nga pagbaylo sang imo cahimtangan, cag sang imo pagtaliuan sa matahum nga pulò sang langlang
Sugud sadto, guinahandum co na lamang ang pagbasa sang imo maabı abihon nga mga. tugon, cag sang lumigad ang pilá ca bulan, bumatyag aco sing calipay sang isa ca matahum nga hapon nga naquità co icao Lucia, subong sang isa ca bucadcad nga bulac sa tungà sang malauig nga quinubayan sang imo mga caangay nga cadalaganhan, nga nagadayan sa
