—160—
nagahinuni sa labing matagsing cag mamingao
nga tingug, subung sang mamingao nga tingug
sang camatayon, nga nagatuao sa sulu sadtong silimbahon nga hilit.
Sa ualà madugay, may sumulud sa nabucsan nga ganhaan sang Patio, isa ca tigulang nga lalaqui nga nagadalá sang isa ca gamit nga inugbunyag, isa ca sundang, isa ca sulit cag isa ca valde nga tubig
Sang iya pagcasulud sa amó nga Patio, lumibut sia sa pagpangusisà sang tagsa ca cahoy nga nagapalanubò sa higad sang tagsa ca linubogan nga bató, cag sang pagcatapus quinuhà nia ang isa ca llave nga naidalman sa isa ca bayò, cag binucsan nia yadtong natacup nga ganhaan sang diutay nga sulusimbahan sa Patio.
Sang ubus na nia yadto mabucsan, lumingcud sia sa punò sang mga Rosal cag Margarita sa pagpanghilamon, cag ang tagsa ca cahoy nga iya mabilamonan, guinasabligan nia ang punò sang matin-ao nga tubig yadto amó ang nagabantay sarg Patio.
Sa ualà madugay nga tion, may sumulud man nga isa ca lanubò nga pamatan on, isa ca maanyag rġa ulay nga halus macalambut sa panuigon nga duha ca pulò ca tuig, napunihan sang mga malahalon nga gamit, nagasaya cag nagabayò sang lubus puti, cag ang culong nia nga mga buhoc nga nagacauas ag sa iya maputi nga agtang, nahigtan lamang sang isa ca maitum nga liston.
Ang iya pagcaanyag subung sang hinuad sa maanyag nga larauan sang Diua, nga binanbay cag quinuhà sa isa ca langitnoo nga damguhanon. Sa tungà sadtong mamingao nga ca-
