— 138 —
dungan cumadlao ang tatlo nila ca caatubang. —¿Sin e sini ang iya iloy? - nanmangcot ang Pari.
— Si Dolores; isa ca babaye nga maayoayo subong guid ni Lucia.
¿Anano mo yadto?
Uala aco sing calabtanan; ugaling, sang iya pagdungcà sa Catunggan sa balay sia macadayon, cag tungud sang calo oy namon sa iya sadtong acon asaua, hinauiran na lang namon cag dirà sia sa balay magpuyò. Mga
- duha guid man abi ca bulan ang amon pagululupid cag mapatay sia, cag ang iya anac
binilin niya samon.
—Sin-o sadto ang iya upud sang pagdungcà niya sa Catunggan?-namangcot si capitan Sibio.
...Isa cabatá nga lalaque nga nagapanuigon sing sing napulò cag tatlo nga guinatauag cay Inocencio, apang yadto iya, naghalin sa amon sang lumigad ang tatlo ca tuig-sumabat si tiyó Andong nga nagasagad pamulalong sa tavo nga upud ni capitan Sibio.
— Sa bantà co con macaquita ca caron cay Inocencio indi ca na macaquilala sumabat ang tauo nga cumadlao sing mabascug.
—Con uala lang aco magsayup, dao guinapangilala ta guid halin pa caina, ugaling guina alang alangan lang aco magbugno sa imo basí con lain ca ayhan; contan-auon co dao icao guid si Inocencio, nga diri man anay sa amon, Ualà aco ayhan magsayup?
—Ja, ja, ja, cumadlao ang táo cag tumuloc cay tiyò Andong-Indi na gali macaquilala sa acon si tiyò Andong, Si Inocencio man aco con may igasugò, cadugay anay sang
- Lucia III-2
