— 135 —
balībad, nag-upud cy capitan Sibio sa pagtultul
sang matahum nga pulo sang Ilang ilang.
Isa ca matahum nga aga nga nabucsan ang gangba an sang pamandayan ni Tiyó Andong, cag culang pa caayo Ang nagasulud nga mamalacal.
Sa luyó sang isa ca nabucsan nga talamuà an nga guinalapusan sang ma-alaba ab nga silac sang init sa aga, nagalingcud si Lucia nga nagabagay sang cuerdas sang isa matahum nga guitarra.
Sa ualà madugay nga ti on may dumulug sa luyó sang amó nga pamandayan, isa camatahum nga sa laquian nga natacdan sang duha ca malahalon nga cabayo, cag sa ualà madugay nagpalana ug ang iya mga casacay; duha ca táo nga nasaputan sang lubus puti nga panapton, cag isa ca Pari.
Gumua si tiró Andong sa iya pamandayan sa paghatag sing catahuran sa Pari cag sa tigulang nga iya upud. cag sila nga tatlo, dinala nia sa ibabao, pinalingcud nia sa mga imol nga lingcuran sa iya balay, cag lumingcud man sia sa pagpangatubang sa ila.
Dinulugan ni Lucia ang pagbagay sang iya guitarra cag sa dacù nga cataburan pumalapit sia sa pagtamiao sa Parì cag sa tigulang nga iya upud nga amó 'si capitan Sibio.
Padre=ang pulong ni tiyó Andong
bulahan ini rġa horas nga nacalambut camo diri sa amon.
