This page has been proofread.
54
canti corsi
Quelle di u Pianellu apparu,
So in bellezza senza eguale,
Un cunoscenu rivale,
E u signore un donu raru
U l’ha datu soprappiù:
Colme sò d’ogni virtù:
A so fronte è alabrastina,
E guance culor di rose;
So caste, vaghe e pumpose,
Cume un gigliu la mattina.
In splendore ste zitelle,
Ponu luttà cu le stelle.
Pe u Pugghiolu e Lavandaghiu,
P’e Terrazze e p’e Petrelle,
Ci so le perle più belle...
Ogni casa è un rusulaghiu.
E di tutte lu so visu
Luce cume un paradisu.
Bi salutu, in generale,
Giovane di u mio paese;
Siate amabile e curtese,
Sempre salve d’ogni male.
Sempre abbiate fissu in core
D’esse custante all’onore!
