This page has been proofread.
50
canti corsi
Pe i Vezzi so numerose
Le gherbate damigelle,
Cusi simpatiche e snelle,
Fresche cume gigli e rose.
V’imbianu da lu core
Raggi di virtù e d’amore.
So più dolce che lu mele,
So di manere civile;
Sempre amabile e ghientile,
A u duvere so fidele.
A so faccia risplendente
Pare un sole all’oriente.
In di u Corsu ciaschiduna
Dilicatu ha lu sembiante;
Ghiuru, chi so tutte quante
Più pumpose che la luna,
Quandu in celu preziosa,
Passa degna e maestosa.
Elle, hanu la taglia svelta
E le pome fatte a u tornu;
L’occhj chiari cume u jornu...
E di queste una gran scelta
Si pò fà fra tante belle
E timidette dunzelle.
