This page has been proofread.
206
canti corsi
«C’un curdunucciu di trenna
A la vita era ligata;
E nant’u mandile cintu
C’un spirlone era attaccata.
Cume in d’un nicchiu si stava
A donna chi la purtava.
«Quantu chi facia risorte
I vezzi di l’andatura;
Quand’era stretta a lu pettu
Stava cume una pittura.
E le donne un so mai state
Cume in su tempu apprezzate.
«Pensate a le vostre mamme
Sopratuttu a e caccarone,
Quantu in di la so falletta
Avianu divuzione.
Ne pigliavanu primura
Elle, cun tamata cura!
«Un fussi mache per quessa
Ricurdà boi, vi duvete
Di la falletta, la tinta!
Chi dimenticatu avete.
Dateli una piezza, or fate,
Accantu a le cose andate!»
