This page has been proofread.
204
canti corsi
«L’estate cume l’imbernu
A moda un passava mai;
A quante povare jente
Li piettava li so guai.
Cu a falletta si paria
Sempre in festa e in signuria.
«C’era fallette turchine
A bon prezzu e d’indiana;
Eppò ci n’era di lussu
In seta fine o di lana.
Tutte ricche e cherche a fiori
Di differente culori.
«Ma fussinu cumu sia,
Eranu tanti giuielli,
E a le donne chiuche o grande,
Stavanu cume pinnelli
Risurtia lu so visu
Cume un fior di paradisu.
«Eranu d’ecunumia
Più che i sciali e li mantelli,
E la donna figurava
Megliu che cun sti cappelli.
Spalle e brecce li cupria
E pene in l’osse un n’avia.
