This page has been proofread.
194
canti corsi
Dopu principiò per me
Un travagliucciu d’ogn’ora,
A pensà per casa e fora,
A preperà lu caffè,
Pe li vecchj e li zitelli,
Pe le donne e l’ommi anch’elli.
Pensa a quella chiccarella,
Sempre a mezzu a dui calori:
Quantu ha calmatu dulori,
Eppò voglie... a curciarella!
Ghiente in salute e malate
Quantu si so scagnulate.
Quante volte in d’u fucone,
Nantu a cennara a scallà,
Aghiu intesu chiacchiarà
E cumare in di l’agnone.
Aghiu vistu i so muttetti
E intesu sti discursetti:
«U caffè ci’òle a ludallu,
Nunda c’è megliu ched ellu.
Alò cummà, un suppulellu?
Pigliemulu callu callu,
Ch’emu assuppatu lu core
Da tantu chi si discorre.
