This page has been proofread.
180
canti corsi
V
U Stacciu
A u pueta Paoli di Taglio.
Tu chi cantasti u castagnu
C’u so fruttu inzuccaratu
Boli accettà lu mio stacciu
Benchè becchiu e impezzicatu?
Fanne contu e ti prumettu
D’esseti sempre obligatu.
J.-P. Lucciardi.
Un sentu più taratà
Avà lu sabatu sera;
Quessa era la preghera
Chi la donna andava a fà,
Sempre tutte e settimane
In d’a camara di u pane.
Quanti stacci si vidia
Tantu in seta che camelli;
Cu li so cassini belli,
Tondi, e fatti a simetria.
Si stavanu cume i santi
Appiccati in quelli canti.
