This page has been proofread.
172
canti corsi
IV
U Fornu zappatu
A u sciò Franceschi.
Come t’è pigliatu, o Còrsu,
Per esse cusi abbendatu;
Hai zappatu lu to fornu
E a maceghia l’hai turnatu
Di tanti servizi resi
Perchè ti ne si scurdatu?
Ogni sabotu a to mamma
Ci ha còttu sempre lu pane,
Ci ha fattu li canistrelli
Guasi tutte le semane.
Mentre avà nun pò più serve
Mancu per teneci un cane.
