This page has been proofread.
162
canti corsi
«Eccu a cosa so ridotta:
Sola, a pienghie li mio guai.
Ma di lu tempu passatu
Nun mi scurdaraghiu mai;
Si la donna è senza core
Peghiu per ella, o Signore!
«Eju, era in tutte le case:
Pe i grataghj e li palazzi,
E d’a pieghia a la muntagna
Un c’era cabanne o stazzi,
Chi un ci si videssi almenu
Qualchi donna a rocca in senu.
«Avia la più bella piezza
In salottu e a lu fucone;
Ognunu m’accarizzava
Tantu serve che patrone.
Era liscia e pettinata
Sempre cume una spusata.
«Era un mobile di casa
Quantu si pò dì li lussu;
Tutta scultata a la mana
In legnu sceltu di bussu;
Di dissegni interziata
E di schicculi adurnata.
