This page has been proofread.
146
canti corsi
«Sempre utile so stata:
Appiccata a la catena,
Filavate a vostra rocca
Appruntendu a vostra cena;
E u zitellu, a duttrinella,
Imparava cu a surella.
«Mi ficcavate in d’un cantu
Pe impezzà li panni vecchj;
Quantu v’aghiu sparmiatu
Sullacchioli... ben parecchj.
E per quessa, avale, o ingrate!
Cusi pocu m’apprezzate.
«A li doli aghiu assistitu;
A le feste, a e canzunette;
A quelli jochi ’nnucenti,
A i rusarj, a le fulette...
E quantu n’aghiu francatu,
Giovane, da lu peccatu.
«È bera chi mi pigliava
Per nimicu u’ nnamuratu;
E scapocchj a la mutesca
Quanti chi mi n’hanu datu!
Un dicu altru, o donne ingrate...
È cusi chi mi pagate?
