This page has been proofread.
I
A Lumera
A u scio G. Ferrandi.
Eccu sta vecchia lumera
Per me a regina d’i lumi,
Bi la inviu, o sciò Ferrandi,
Per rammintabli i custumi
Di le nostre cose andate
Di e quale tantu parlate!
J.-P. Lucciardi.
Ogni tuvone di casa,
Avà, di lumi n’è pienu;
Eletricità, o petroliu,
Gasu, o lume acetilenu,
Allumineghia ogni scornu
Cume in pienu mezziornu.
Tutti quanti, chiuchi e grandi
— Ancu più che un serpu, ingrati, —
Di la lumeruccia all’oliu
Ci simu prestu scurdati:
L’emu lampata in l’anghione
D’un armediu bughjcone.
