This page has been proofread.
134
canti corsi
Eju, un burria più pienghie,
Ma lu core è troppu tristu.
Una pietà cusi grande
Un si ne sarà mai vistu.
Mancu un core di balena
Pò resiste a tanta pena.
Charles, tamantu curaggiu
Ch’emu tutti qui stamane,
Di vuletti lascià perte
A lu son di le campane.
Forse nisunu pensemu
Chi mai più ci vidaremu.
Innò chi c’emu da vede
In Celu a lu gran Cungressu!
Tu ti ne perti lu primu,
Ma noi veneremu appressu.
Culà tutti in locu santu.
Ci staremu sempre accantu.
Intantu saluta a tutti
Cume tu ci l’hai prumessu.
Ci ne truvarai un stôlu
Chi ne perte bellu spessu.
Saranu tutti cuntenti,
Mamma e babbu e li parenti.
