This page has been proofread.
126
canti corsi
— Purtatelu qui in trionfu,
E fateli tutti onore:
Perchè di lu Paradisu
Ellu è lu più bellu fiore.
Per sempre la so persona
Adurnarà sta curona. —
Cusi è statu cullucalu.
Or, Charles, lu nostru pegnu,
L’hà bulutu lu Signore,
Chi stu mondu un n’era degnu.
E noi sempre penseremu
A te. o Charles, e pienghieremu.
E lergu lu parentatu,
E u dulore è troppu forte;
Tutt’ognunu pienghie e dice:
O la scellerata morte,
Si benuta a tradimentu
A mette tantu scumpientu.
Lu so babbu e la so mamma
Versanu legrime amare;
I so fratelli e li zii,
E le zie tantu care,
Verseranu a tutte l’ore,
Legrime da lu so core.
