This page has been proofread.
120
canti corsi
II
Voceru sopra mio Figliol Charles
mortu i 25 Decembre 1907, all’età di 20 anni.
Lasciatemi abbicinane
Ancu a me un pocu a la tola;
Perchè a pienghie sempre solu
U mio core un si cunsola.
Un pienghieraghiu mai tantu
Lu miò tesoru tamantu!
Eri mane c’era in celu
Un imbitu generale
Chi s’avia da celebrane
Lu santissimu Natale,
Nascita di lu bambinu.
Omu santu e Re divinu.
