— 20 —
CENAF.
Du foginel us äspatom
Kö Carthago vön äbinom,
Omi äkoskömom telid,
Kofatänel, sevik dub glid.
—
Siedomsok e lesuno
Tävakonam lesumiko
Omis us musamom; alik
Konom zidis oka difik,
Jüs A. sagom: “Nim ledrolik
“In län isik binom lomlik;
“Ti lagata fömi labom;
“Balsdil meta loned binom
“Göba; lineg binom vifik;
“Fino nog köl.... leyulibik!„
—
“Sevob nimi,„ B. gepükom;
“Ab flen, no yulibik binom.
“Cenat painemom; sägo
“Is pätuvom nog bletimo
“Fa ob in jad fota gletik,
“Ab köl oma binom glünik!„
—
“Äloegob bimi nonik,
“Ven ätuvob nimi obik
“Ämufomok su klif; lölo
“Fa sol päbelitom, kludo
“Pölub nonik binom mögik;
“Vo! köl binom leyulibik!„
—
“Glünik! glünik!„ — “No, yulibik!„
— “Glünik!„ So luvokoms. Gletik
Binom dikod, e sun flenüg
Ya pevotom in neflenüg
—