go ug mopahid sa sip-on sa iyang mga anak,
manlabá, ug mosilhig sa kangalingon.
Kong kini madangat, ang mga bana hayan mangaklas tungud kay dili makaantus sa paghikay ga abó ug pagpanakdak sa mga labhanan.
¡Kaayong talan-awon tuod no!
Samtang ang asawa atua nagbara-bara sa kadalanan sa pagsikop ug mga pumipili, samtang ang asawa atúa sa kabalangayan nagsangyaw sa mga kandidatura, linulho ang sinina, tinampi ang saya, pinangko pagayo ang mga buhok, ang bana intawon atúa sa kosina nagkabulingit ang lawas sa lubut sa ku. lon, naggunit sa luwag, nagukay sa linugaw alang sa mga anák, ug unya kong kapuyan na, moyaká aron sa pagtibawas ug sursi sa kamisin nga nangagisi gumikan sa mga panglabni sa asawa nga polítika.
Kini mahitungud sa mga babayeng minyo.
Ug mahitungud sa mga dalaga, ¡unsay atong makita?
Abuton akog kagu ol kong palandungon ko na ang pagabuhaton sa atong mga dalaga nga lider sa piniliay.
Kay kinsay dalaga nga mohigda sa balay sa mga pilionon ug sa mga pumipili? ¿kinsay makahimo sama sa ginahimo karon sa tanang piniliay nga ang mga lider, aron sa pagdani sa mga pumipili, kinahanglan nga motupad, mogunit, mogawos-gawos, mokablit, mogakus ug mokuot pa sa bulsa sa pumipili, aron sudlan pag. hilum ug cuarta nga ikatangway? ¿kinsa, kinsang babayhana ang makahimo niini?
