ḍǎng-găloedǎngan patang pagembrăng, kangsè matèngel kopèngnga Gulliver. Dhinèng ghoengsèngnga djărèja mara ettong bessè radjă, èssèna bǎto ètem kol-boengkol.
Samarèna ngakan,labăngnga bengkona raksasa ladjhoe èboekka', pas bădă patè' ḍăḍoewǎ' maso', radjăna ḍă-padă băn ghǎdjhă, njarè rè-karèna kakanan. Saellana tjo-mattjo ḍă binèna sopadjǎ ngomessana kalabǎn paratèn ḍa' orèng kinit djărèja băn djhǎ' kangsè masossa atèna , raksasa tanè djărèja djhăghă, terros kalowar èèrèng patè'na sè ḍăḍoewǎ' bhoeroe . Ngartèna Gulliver ijă tjoma ḍări ngabǎs pola tèngkana raksasa bhǎi. Na'-ana'na raksasa ghi' tjè' lèboerră dă' Gulliver. Sara pamandhengnga , nalèkana Gulliver tjar-kantjèr èantarana pèrèng băn toboeng. Apa polè ana' binè'na masè ta' akèdhep sakalè. Sè noghoei ḍă' Gulliver mara sè adjăgă radjhă bhrǎna sè larang arghǎna.
Satèja Gulliver arassa katondoe marghǎ tjè' lessona. Raksasa binè' ngartè, Gulliver ladjhoe ètampa è tanangnga, èghibă ḍă' kamar katèḍoenganna, ètompangngaghi èattassa bhăntalla sarta èsapo'è saptanang potè sè tjè' radjǎna .
Gulliver njèḍḍha kapatè pan- bărămpan eddjhăm , pas taker djhăt djhăghă, marghǎ ngèḍing sowara aghǎroedoe' neng-è sowara katèḍoenganna. Apa sè ètangalè ? Ijă arèja tèkos dăḍoewǎ' tjè' radjana . Djhǎ' sakenga ta' dhoeliă djhăghă, tanto aba'na èkèkkè' tèkos bhoeroe, sabab tèkos sè sèttong ella tjè' semma'na da' mowana. Gulliver abhintal, ngonos ettjèssa (1) ètjotjoaghi ka ḍăḍăna.
( 1)bhăngsana peddhăng
