40
sè paḍă ngabăs. Gulliver èdjhoeloei anggoer sasloki ; nangèng dări radjǎna sloki , sè nampanè kongsè ngangghoej tanang ḍoe kaladjă. Pangènomma Gulliver sambi aberri ' salamet ḍâ ' binèna raksasa . Se bărijă djărèja sadjăn andhăddhiaghi bhirăgghǎ sè paḍă băḍă èdjăḍijă .
Raksasa tanè ladjhoe ngobă'i Gulliver, sopadjă asemma'a ḍă' abǎ'na. Tadǎ' tako'na sakalè Gulliver sè njemma'è raksasa djǎ rèja , padjhălănna abăk magăgă'. Tao -tao abǎ'na ladjhoe ètjǎnḍhǎk sokona èpeng-kèpengngaghi sambi asorak moso ana' lakè'na raksasa sè dǎ'-ngoḍă'ăn, ra-kèra bhoeroe aomor sapolo taon; kana' djǎrèja tjè' nakalla , todjoe ' èseddhi'na eppa'na.
Ontongnga Gulliver ladjhoe èrebbhoe' bi' eppa'na. Ḍări seḍḍhina eppa'na, ana'na ètamper, monjèna mara talam konèngan dădoe wǎ' èaddhoe. Gulliver ladjhoe èsabă' è mèdjă on-laonan, raksasa kabǎtèr amè' abă'na loka. Nangèng ḍokter kapal djǎrèja ladjhoe njanḍhăk topina, èpèddhel èattassa tjèṭakka kangsè tello kalè,mènangka tanḍhă djhă' bhădhănna ta' apa-rapa. Tjoma abă❜na tako' amè' na'-kana' djărèja sakè' atè akarep malessa, akanța kappranana'- kana' nakal. Molana Gulliver ladjhoe aḍhekkong èaḍă'ǎnna raksasa tanè, sambi adhoedhing ḍa' na'-kana' djǎrèja li -băliăn, kareppa sopadjă raksasa djǎrèja njapora'a ana'na. Eppa'na ijă norotè, la - mala ana'na èlèllanè los - ngellos Gulliver.
Teppa'na paḍă ngakan, pas kotjèng kakasèna njaè raksasa alontja' ka rèbǎ'ănna. Radjana kotjèng djǎrèja ḍoewǎ kalè radjăna sapè sè radjă. Kotjèng bhoeroe tjè' pèrakka , bhǎreng raksasa sè binè' djărèja los-ngellos bån makanè abăʼna. Gulliver tako ' nangalè kotjèng sè radjă bhoeroe. Nangèng bhǎreng tao, djhǎ' kotjèng djărèja ta' ngabăs ḍă abăʼna, abăʼna sadjăn ala-pola, kangsè băḍă ennem kalè sè li-băliăn neng-è aḍă'ánna kotjèng djărèja, djhàoena tjoma satengnga mèter. Kotjèngnga takerdjhǎt, njorot , bhǎreng nangalè ḍă' Gulliver.
Bhǎreng sè ngakan para ' marèa , pas băḍă pangandjhoe maso' ngembhăn ana'na raksasa sè ḍă '- ngoḍă'ăn, ra-kèra bhoeroe aomor sataon. Bhǎreng na'-kana' djărèja nangalè Gulliver, ladjhoe nangès rat-taratan, sokona tjar - katjaran , tanangnga goej-ragoejăn mènta'a Gulliver , èsangghoe èn-maènan.
Dări korang tè- ngatèna băn sambhrănana emboe'na, Gulliver ètjanḍhăk èbăghi ḍă' ana'na . Mara adhăddhǎ kana' kènè', apa sè ètegghoe' ijă ladjhoe èmaso'aghiǎ ka tjolo'na.
Dări tako'na Gulliver ladjhoe atjerrèng mènta tolong. Kana' kènè' djǎrèja ngeddjhit. Gulliver èkèpattaghi; djhǎ' sakenga Gulliver ta' ètaḍă'ăna emboe'na kalaban sampèrra è rèbă'ănna , taʼ boeroeng Gulliver potong lè'èrra .
Sopadjǎ kana ' djărèja ḍijemma , pangandjhoena ladjhoe mamonjè ghoengsèng sè èkalattongngaghi è lè'èrra kana ' djărèja , monjèna
