38
masè lorana sè laèn. Orèng djărèja aberri' parènta, nangèng Gulliver ta' ngartè ka otja'na. Sè kalèma nonḍoe' aonggoe', akanța sè mator èngghi, ladjhoe molaè arabăs găndoem pangètekkanna Gulliver.
Sowarana sè arabăs ta' abhidhă băn bălănḍoeng mogherri djoe-kadjoeǎn neng-è alas. Gulliver takerdjhǎt, ladjhoe njarè panjèngla'a boeroeăn, sopadjă njèngla'a dări pangamokka arè'na raksasa djărèja. Nangèng ta ' ngennèng ghăghăntjangan , sabăb dhărămèanna tjè ' rapetta , malarat sè èsono'ana.
Bhăreng napa' ḍa' sèttong kennengngan sè dhărămèanna paḍă robbhoe, marghǎ ètjapo' odjhăn băn angèn, Gulliver ella ta' ngennèng boeroe polè; mangka raksasa pangarè' djǎrèja ella sadjăn semma' ḍă' kennengnganna Gulliver.
Gulliver ella arassa lo'lo', ladjhoe njarè kennengngan è ghǎk logghǎgghǎ bhoengkalatan, anantè' paḍătengnga papasțènna sè kobǎsa. Satèja Gulliver ghi' bhoeroe ènga' ban kasta, djhǎ' abăʼna tjè' ghămpangnga adhina'aghi ana' binèna neng-è naghărăna, tjoma norotè angkarana napsona sè alalana'a ngèdherri bhoemè, kangsè abă❜na nemmo tjalaka' sè njaḍhăngè patè ḍă' abă❜na.
Bhåreng sala sèttongnga raksasa saellana tjè' semma'na ḍă' Gulliver, Gulliver ladjhoe atjerrèng ta' sakèra-kèra, marghǎ tjè' tako'na sè èkennènga tèddhă' otabă sè ètjapo'a arè', ta' boeroeng abăʼna toghel dhăddhi ḍoewǎ'. Raksasa amboe sè ngarè', ladjhoe ngabǎs ḍă' băbă, terro taoa apa sè amonjè è tana djăḍijă. Bhǎreng nangalè dă' Gulliver, ladjhoe ngenḍă' nossèng, tjè' tè-ngatèna sè mèghǎ'ǎ Gulliver, akanța orèng mon mèghǎ'ǎ kèbăn kènè' sè ghi' bhoeroe tao ètangalè. Gulliver ghi' asaddjhă boeroeă, nangèng ngasèp, abǎ'na ella èkennèng pègha raksasa, èdjhipè' labǎn pol-empolan băn tondjhoe'na, èlang-tèlang èpasemma' ka matana sopadjă terranga. Nangèng antarana Gulliver băn matana raksasa ra-kèra băḍă samèter.
Gulliver satèja ella narèma ḍă' takdirra bhăi, neng-enneng makettek sanaddjhăn roso'na amonjè karoto’an, marghă sè èdjhipè' raksasa djărèja. Tanangnga èadjoem, bărămma tjarana orèng Bălăndhă mon mènta'a ampon, sarta aserro las-mellassaghi, sopadjă èotjola ḍări tanangnga raksasa djǎrèja.
Robăna raksasa djărèja tjè' mengnga'na dă' tèngkana Gulliver; Gulliver pas èpalebbhoe ka kapèngnga rompina, sè malebbhoe tjè' tè-ngatèna, akanța sè njabǎ' kèbǎn sè tjè' anèna, abă'na ladjhoe ghǎntjang berka' dă' lorana. Gulliver arassa kontjang dări ghoelina bhǎdhănna raksasa djărèja, abă'na masè ngalto'a.
Bhareng raksasa napa', apa sè ètemmo djǎrèja ladjhoe èto dhoeaghi dă' lorana, ijă arèja orèng tanè tokang njèwă tana(¹). Orèng djǎrèja ijà tjè ' mengnga'na kèja. Gulliver èlang -tèlang ladjhoe èserrop, sopadjă terranga ḍă' mowana , sabab dăina Gulliver
¹)Pahter tana .
