36
Ngarettjek sowarana djhăngkarra sè maso' ka tasè' . Paraona masè ètadjhǎ'ă dă băbă , pas ladjhoe neng-enneng ta' aghoeliăn.
Rèng-orèng èḍălem parao sè la padă gheddhoer ban lesso marghǎ bhabhǎdjă djărèja, ladjhoe paḍă tèḍoeng kapatè kangsè paddjhăr. Sè adjăgă tjoma kaptèn băn mattroes sabătara, neng enneng è edḍèk; neng-è parao soboeng taḍă ' kasa'na pa-apa, kadjhabhǎ kalesserra njabăna sè padă tèḍoeng.
Bhǎreng ella potè tèmor, arè kabit njonarè langngè', kaptèn Nikolaas ladjhoe băs abăsan ka kangan katjèr. Paraona alabbhoe neng-è telloe'. È tjongappa telloe ' djărèja băḍă ghoenong bato, akanță ghǎpora tjopè', sè ngella'è tasè' băn telloe' djărèja. Mengnga'na ta' djhăma', mèkkèrè paraona sè alebbhoe dă' djhălăn tjopè' bhoeroe, ta' kalaban taantor dă băto.
Neng-è pèngghirră telloe' sè saladjă, băḍă alas radjă sarta ghoebhet, djhǎoena dări ghir sèrèng antara doewă ratos mèter; mon ngabǎs radjǎna ka' bhoengka'anna, tanto alas bhoeroe omorra ella atosan taon; è pèngghir saladjă'ănna bădă ra-ara sè ta' pabăngennan lèbărră, ètomboei rebbhă sè tèngghina saorèng. Eboediǎnna alas katon masè bădă okos ngolboe'; nandha'aghidjhǎ' èdjăḍijă èkennengngè orèng.
Bhǎreng para mattroės ella paḍă djhăghă, sè saparo èsoro mateppa' karosakan, marghǎ sè ètjapo' bhărăt malemma, èkapalaè tokang kadjoena kapal. Sè laèn èberri'i sèkep ghăghǎman, sarta èsoro matoron sakotji aèssè ettong kotong , parlo èpangala’a aèng ka dhărǎt, èkapalaè serrang pangaḍă'.
Gulliver bi' kaptèn èlèllanè noro' toron ka dhărăt. SaddjhănaGulliver bǎs-abăssana è ghir sèrèng, mè'-amè' nemmo boe-tomboeăn otabã băn kèbăn sè anè.
Antara saparapat eddjhăm sè aḍhădjoeng, sakotji ella napa' ka pèngghir sèrèng, troes-mattroes ladjhoe paḍă ongghǎ ka dhǎrăt kalabǎn ghămpang; nangèng ta ' nemmo songaj otabǎ sombher, bǎrijă kèja ta' nangalè lampatta orèng sakalè.
Dări parèntana serrang, orèng sè kaempa njèttjèr noghoei sampanna, dhinèng sè laèn adjhălăn noro' pèngghir sèrèng njarè aèng ènom .
Padjhălănna Gulliver băng èbăngan parlo njarèa boe -tomboeăn. Edjăḍijă talèbăt bănnja'na boe-tomboeănna, dãoenna bhoes-ghoem bhoes ngabhiroe. Bhǎreng Gulliver napa' ka attassa sèttong pontok bǎto sè băndoeng taḍă' boe-tomboeǎnna, arassa lesso sè rè - sarèan: abăʼna asaddjhă abăliă dă' kennengnganna sampanna. Tadjǎdjǎ'na Gulliver ella ta' kennèng ètjarèta'aghi, bhǎreng taodjhǎ' kantjana ella paḍă băḍă neng - è sampan, aḍhădjoeng sakel larra abăli ka kapal , ta' ală-bălă ghǎlloe ka abǎ'na. Gulliver asaddjhǎ ngèṭṭa'a kantjana sopadjă malèana abă'na, nangèng boeroeng, sabab nangalè băḍă raksasa radjă, seḍḍhi ararèngen atjabbhoer ka aèng kangsè ghăn to'otta , tjara sè berka' nabăng
