Lah tibo Gombang dihalaman bagojang ustano gadang maringih kudo dalam kandang mantjeretjeh salindik djantan badantuang patuih tungga tibo api ateh bubungan mandjilek kian kamari api gadang maso itu.
Hantjua sagalo mualigai gadang hantjua Juluah mandjadi abu tidak tapadam padami diurang ribuik djo angin sangaik mandjadi topan ribuik mandjadi djadi tibo aia galodo gadang hanjuik sagalo rumah kabau djo bantiang habih mati daiam sahari itu djuo nagari mandjadi hutan rimbo dek tuah kiramaik si Gombang.
Kan lo Radjo Atam Sati baru patjajo kato anak bahaso injo kanai pitanah manjasa badan maso itu matatjuik latjuikkan badan mahampeh hampehkan diri manangih maluluang pandjang ditjari anak dalam rimbo manangih baduo laki bini manjasa badan mausia anak.
Dari Sabang ka Surati
Tampak kureta dari djauh
Panuah barisi saradadu
Malang untuang Alam Sati
Anak hilang badjalan djauah
Tidak kamano akan mangadu
<poem>
Birauari Gambang Alam dituruik djaian nan pasa
tidak tantu kaditudju kama kato ampu kaki dimano
patang sinan bamalam dimano paneh sinan baranti
masuak lurah turun lurah masuak samak kalua samak
takuik kamano kalari hauih djo lapa tidak tatahan di
makan sagalo umbuik umbuik.
<poem>
Tigo ringgik tangah salapan
Sabulan tigo puluah hari
Sakik hiduik tidak tatahan
Tidak kamano badan kalari
Si Akuik Bagindo Sutan
Sadang duduak di Banto Djariang
