mularaik djo mufa'aik awa dikana akia dikana kalau baitu kato ang hambo lapeh hari barisuak dibajia gadji bulan iko tatapi sabuah tanjo hambo kalau manggaleh sarato pokok.
Kamano pokok ka ang tjari katonjo Angku Djaksa mandjawab si Bujuang Karuik lorong kapado pokok gadji disimpan tiok bulan baitu pulo paresen pambarian hambo simpan kadalam tabuang lah duo tahun anam bulan bambo karadjo djo tuanku katonjo si Bujuang Karuik mandanga kato nan bak kian disuruah hambiak tabuang pitih.
Kan io si Buluang Karuik balari injo katampek lalok dibao tabuang batuang saruweh tabuang gadang dimakan ngangek disuruah balah tabuang nantun baserak pitih ateh medja wang perak uang tembago dietong saratuih ampek puluah balabiah pulo sambilan bilih maliek pitih padja nantun tagalak tuanku Djaksa sabana luruih anak nangko lo mukasuiknjo nak manggaleh ditahan salero harok manggaleh ibo djo sajang angku Djaksa.
Sanan bakato Angku Djaksa luruih luruih kalau manggaleh himaik himaik babalandjo urang manggaleh saribu aka ditambah pitih si Bujuang Karuik ditambah pulo saratuih lai dibari pulo badjuo djo kain tando pambarian putiah hati.
Sanang hati sadjuak pikiran hari elok maso itu katiko nan baiak lorong kapado Angku Djaksa urang bapangkaik randah hati suko manolong urang misikin tapi sungguah nan baitu pambangih urang nan basalah tidak tatahan kanai kaki tidak pandai tagak dibueknjo.
Kan lo si Bujuang Karuik badan baransua gadang djuo ditjubo manggaleh baketek ketek dek elok buntuang djo babagian dapeklah kadaian nan rantjak ditjubo manggaleh kumango dek pandai kuaik batanjo dek tjadiak kuaik baguru pandailah injo bali mambali pandai manjusua tampaih kadalan saroman urang biaso manggaleh.
