Jump to content

Page:Irische Texte 1.djvu/123

From Wikisource
This page has been proofread.
101
III Scél mucci mic Dáthó.

9. Ros lá i socht na hUlto.[1] „Atchí[2], a Loegaire“, or Conchobar. „Ni ba fír“, ar Loegaire[3], „Cet do raind na mucce ar ar m‑belaib-ni“. „An bic[4], a Loegaire, co rot acilliur“, ar Cet[5]. „Is bés dúib-si in far n‑Ultaib[6]“, ar Cet, „cech mac gaibes[7] gaisced acaib is cucain-ni cend a báire*[8]. Dochuadaisiu[9] dana isin cocrich, immatarraid dún inti: foracbais in roth ocus in carpat ocus na heocho, atrullais fein[10] ocus gai triut. Nis toirchi[11] in muicc fón innasin“. Dessid side dana.

10. „Ni ba fír“, or laech find mór, dodechaid assind imdai, „Cet do raind na mucci ar ar m‑bélaib-ni.“ „Coich andso?“ or Cet. „Is ferr do laech andaisiu[12]“, or cach, „Oengus mac Lama Gabaid sin do Ultaib[13]“. „Cid diata Lám Gabuid for th’ athair-siu[14]?“ or Cet. „Cid ám?“ „Ro fetar-sa[15]“, or Cet. „Dochuadusa[16] sair fecht and. Eigther immum[17]; do roich cách, do roich dana Lám. Tarlaic urchor do gai mór dam-sa[18]. Dos leicim-se dana do-som in n‑gai cétna, co m‑ben a laim de, co m‑bui for lár[19]. Cid dobérad a mac do chomram frim-sa[20]?“ Téit Oengus ina suide.[21]

11. „In comram do thairisem[22] beus“, or Cet, „no in mucc do raind dam-sa[23].“ „Ni ba fír arraind duit-siu[24] chetumus“, ar laech find mór de Ultaib[25]. „Cia andso[26]?“ or Cet. „Eogan mac Durthacht sin“, ar cách, „.i. rí Fernmaigi.“ „Atchonnarc-sa riam“, or Cet. „Cia airm i n‑domḟacca[27]?“ ar Eogan. „In dorus do thaige oc tabairt tana bó uait. Ro héged immum-sa

  1. ↑ Ni frith laegh a tairissme . ro lae a socht na hUllto H.
  2. ↑ atci sud H.
  3. ↑ Loeg. buat. H.
  4. ↑ an biuc H.
  5. ↑ ar Cet om. H.
  6. ↑ in bar n‑Ullt. H.
  7. ↑ gebius H.
  8. ↑ bari H.
  9. ↑ docodhaise H.
  10. ↑ atrulais fen H.
  11. ↑ ni torci H.
  12. ↑ di laoch indaisiu H.
  13. ↑ di Ultaib H.
  14. ↑ for a adair sem H.
  15. ↑ ro fedursa H.
  16. ↑ docodussa H.
  17. ↑ eghtir ummam H.
  18. ↑ ercor ... formsa H.
  19. ↑ duslecimse an gai cetno combert a lam de comboi for laur H.
  20. ↑ do comrama friumsa H.
  21. ↑ desid Aengus H.
  22. ↑ in comroma do t. H.
  23. ↑ damsa om. H.
  24. ↑ araind detsi H.
  25. ↑ laeg find do U. H.
  26. ↑ cia and H.
  27. ↑ cairm inam aco H.
Retrieved from "https://wikisource.org/w/index.php?title=Page:Irische_Texte_1.djvu/123&oldid=645338"