12 Uling ing atin mirinan ya, at lumabis ya: dapot ing ala, ita mang atau kea milako pa.
18 Inya pakisabyan ko king alimbawa; uling lala'we la e la inanakit, at makiramdam la e la daramdam, at e ra atatalastas.
14 At matutupad karela ing ula nang Isaías, a sinabi na:
- Nung makiramdam kayo, damdam kayu, ata yu atalastas;
- at nung lumawe kayu akit yu, at e yu atalus:
15 uling ing pusu ning balayan a iti mekapal ya;
- at mabayat dang daramadaman karing balugbug da,
- ampon pinyak do ding mata ra;
- barang e akit karing mata ra,
- at e ra damdaman karing balugbug da,
- at atalus karing pusu ra,
- ampon mibalik la lub,
- at aku pakayapan ku la
16 Dapot nuan la ding kekong mata, uling manakit la; at ding kekong balugbug, uling makaramdam la.
17 Ing katutuan sasabyan, ku kekayu, king dakal la ding ding manula ampon banal a mignasang manakit king ikit yu, at era ikit; ampon makiradam king dimdam yu, at e ra dimdam.
18 Pakiramdaman ye pin ing alimbawa ning manananan.
19 Panamdam na ninuman king amanu ning kaarian, at e na atalastas, datang ya ing Marawak at samsaman na ing mitanam king pusu na: iti ya ing mitanam king kekaban na ning dalan.
20 At ing mitanam king kabatuan, ya itang makiramdam king amanu at matula nang tanggapan;
21 dapot alang sariling yamut, nung e panapanaun na; at nung miras na pin ing kalungkutan o ing kalingasugasan king uli na ning amanu, king oras a ita mitakid ya.
22 At ing mitanam busal ning suksuk, ya itang makiramdam king amanu; dapot ing nasa king panaun ampon ing piraya ning pibandian puputan da ing amanu, at e mamunga.
23 Dapot ing mitanam king gabun a mayap, ya itang makiramdam at makatalastas king amanu, ya naman ing mamunga, at magdala yang isanu metung king dinalan, isanu king anam a pulu, at isanu king atlung pulu.
24 Pigsalita ne karela ing aliwang alimbawa, ngana: Ing
