44 At ding anggang talasalpantaya mipapamisan 1s, at ing anggang bague kayatinan da dikil da karela ngan,
45 at pisasali ra ing kayatinan at paglauitan da, at pirake ra karing sabla agpang king kailangan na ning sikakataŭ.
46 At aldoaldo atilu king pisamban; at king pamamis king tinape king bale kakanan da ing karelang pamangan a makitula at kalinisan ning pusu,
47 papurian de ing Dios, at lilingapan no ning mabilug a balayan. At ing Guinu daragdag ya king Iglesia aldoaldo, karing mililigtas.
Pamipakayap king metung a pile.—Pamanalese nang Pedro king pisamban.
3I Pedro at i Joan menik la king pisamban, king oras ning
pamanalangin, ing king kasiam.
2 At ing metung a tau, pile ya manibat pa king atian nang indu na, daralan de karin, a ibibili aldoaldo king pasbul ning pisamban a ausan dang Malagú, bang manyawad limus karing lublub king pinamban;
3 iti panakit na kang Pedro at kang Juan a lulub king pisamban, minyawad yang metung a limus karela.
4 Kanita i Pedro dinangat na kes ing panimauman na, patina i Juan, at sinabi na - I Lawan mu kami!
5 At ya linawe na la, manaya yang tanggap karela nanumuman.
6 Dapot i Pedro sinabi na: Pilak at guinta ala kanaku, dapot ing atiu kanaku yang ibye ku keka: King lagnin nang Jesu-Cristo a tan Nazaret, talakad ka at lumakad !
7 At telan ne king wanan nang gamat, at telakad ne; at ita marin mesikan la ding bitis na at bukungbakung;
8 at linukau yang tinalakad, at linakad ya; at mekiagnan yang linub karela king pisamban, lalakad ya, at luluksu, at pupuri ya king Dios.
9. At ing mabilag a balayan ikit neng lalakad at pupuri king Dios..
10 At akilala re king ya ing tune a parating lolukluk magpalimus king pasbul nang Malagú ning pisamban; at ila kitmuan lang pangapamulala at pangaumum makauli king mepalyari.
