This page has been validated.
1ING mumunang kasalesayan sinulat ke keka, oh Teófilo,
makatungkul king keganaganang bague a pigmulan nang Jesús daptan at ituru.
2 angga king aldo a kaibat nang binye ing kautusan na,
king pamamilatan na ning Espiritu Santo, karing apostoles a
pinili na, metanggap ya king katasan.
3 Karela pepakit ya namang mabie, kaibat ning keang lasa,
king dakal a kamasalan, king lub ning apat apulung aldo;
pepakit ya karela, at pekipagsalitan na la king bague a maka-
tungkul king kaarian ning Dios.
4 At inyang makipulang ya karela, inutus na king e la ma
mako Jerusalem, nung e panayan da karin ing pangaku ning
Ibpa, a iti dindam yu kanaku.
5 Uling i Juan king katutuan meminyag ya king danum ;
dapot ikayu mabinyag kayu king Espiritu Santo, a manibat
ngeni ditak nang aldo.
6 Ila kanita, inyang mipupulong la, kitnan de, ngara:
Guinn, ¿isubli me king panaun a iti ing kaarian kang Israel?
7 Dapot ya mekibat ya karela: E kekayu0 ing apakibaluan
ding panaun aguiang ding kapanaunan a sinimpan na ning
Ibpa, king sarili nang kayupayan:
8 dapot tanggap kong upaya, pamanyatang na kekayu
ning Espiritu Santo; at ikong tunguing saksi ku, kazio
Jerusalem at king mabilug a Judea, at Samaria, at angga pa
king kawakasan na ning gabun.
