Page:Ing Bayung Tipan.pdf/218

210SAN LUCAS 22.

magkulang; at ika, nung makapibalik na ka lub, papagtibayan
mu la ding kapatad mu.
 33 At ya sinabi na kea: Guinu, aku makasadya kung tuki
keka, king sukulan, at king kamatayan man.
 34 At ya sinabi na: Pedro, sasabyan ku keka king ing
manuk e tulauk negeni, angga king ika paalian mung atlung
ukdu king e mu ku akikilala.

        Ding adwang sandata.

 35 At karela sinabi na: inyang tinnbad da kong alang
susut, at alang suput, at alang sa pin, ¿atin kong nanumang
nigkulang? At ila sinabi ra: Ala.
 36 At ya sinabi na karela: Dapot ngeni ing ating susut,
kuanan ne; at makanyan mu naman ing keang suput; at ing
ala, pisali ne ing keang balabal at sali yang sandata.
 37 Uling sasabyan ku kekayu, king kailangan matupad
kanaku ing atiung makasulat: At mibilang ya karing man-
garawak; uling ding bague a makarikil kaku ating panga-
tupad da.
 38 At sinabi ra: Guinu, oreni ding aduang sandata. At
ya sinabi na karela: Makaguiu na.

       I Jesús karin Getsemaní.

 39 At meko ya, mine ya king bunduk da ding olivos;
antimo ing kaugalian na; at ding alagad na naman tikian de.
 40 At inyang miras ne king karinan a ita, ngana karela :
Manalangin kayu bang e ko lungub king tuksu.
 41 At ya kinawani ya karela antimong kabasibasan king
metung a batu; at siniklaud ya, menalangin ya,
 42 ngana: Ibpa, nung buri ma, ilako me kaku ing copang
iti, makanyan man e marapat ing kaburian ku, nung e ing
keka.
 43 At pepakit ya kea ing metung a ángel a ibat banua a
patibe kea.
 44 At inyang mibili ya king pamipangkal ning kaisipan,
lalu yang manalangin mataimtim; at ing pawas na meguing
anting maragul a patak ning daya a malalaglag king gabun.
 45 At inyang talakad ne king pamanalangin na, linapit ya
karing keang alagad, disnan nong matndtud king lungkut.