| duha ka kabikahan ni Israel; kag ini
amo ang ginsiling sa ila sang ila amay, sang ginpakamaayo niya sila. Ang tagsatagsa sono sa iya pagpakamaayo ginpakamaayo niya sila. 29 Kag nagsogo sia sa ila, kag nagsiling sa ila: "Ako magakadto sa pagsimpon sa akon banwa. Ilubung-ninyo ako upud sang akon mga ginikanan sa lungib, nga yara sa latagon ni Epron nga Hetinhon: 30 Sa lungib nga yara sa latagon sa Makpela, nga yara sa atubangan sang Mamre, sa duta sa Kanaan, ang latagon nga ginbakal ni Abraham kay Epron nga Hetinhon, subung nga kaugalingon nga lulubngan. 31 Didto ginlubung nila si Abraham kag si Sara, nga iya asawa; didto ginlubung nila si Isaak kag si Rabeka, nga iya asawa; kag didto man ginlubung ko si Lea. 32 Ang latagon kag ang lungib nga yara sa iya, ginbakal sa mga anak ni Het." 33 Kag sang pagkatapus ni Iakob sa paghatag sing mga sogo sa iya mğa anak, pinakolo niya ang iya mga tiil sa higdaan, kag nagtinga; kag ginsimpon sia sa iya mga ginikanan.
2 Kag nagsogo si lose sa iya mğa manugbulong nga iya mga alagad, nga pagembalsamahon ang iya amay; kag ginembalsamahan si Israel sang mga manubulong. 3 Kag nagkalatuman sa iya ang kap-atan ka adlaw, kay sa sini gintuman nila ang mga adlaw sang mga ginembalsamar. Kag naghilibi sa iya ang mga Egiptohanon sing kapitoan ka adlaw. 4 Kag sang lumigad ang mga adlaw sang ila lalaw, naghambal si Iose sa balay ni Paraon, nga nagasiling: "Ken nakakita ako karon sing bugay sa inyo mga mata, ginaampo ko sa inyo, nga hambalon ninyo sa mga idulungug ni Paraon, nga nagasiling: 5 Ang akon amay nagpasumpa sa akon, nga nagasiling: Yari karon ako mamatay sa akon lulubngan nga gin- |
kutkut ko nga sa akon sa duta sa Kanaan, didto pagailubung mo ako: busa,
ginaampo ko, nga magtaklad ako karon sa paglubung sa akon amay, kag magabalik ako." 6 Kag si Paraon nagsiling: "Taklad-ka, kag ilubung ang imo amay, subung nga ginpasumpa ikaw niya." 7 Niyan si lose nagtaklad sa paglubung sa iya amay; kag nagtaklad upud sa iya ang tanan nga mga alagad ni Paraon, ang mga tigulang sa iya balay, kag ang tanan nga mga tigulang sa duta sa Egipto. 8 Kag ang bug-os nga baláy ni Iose, kag ang iya mga útud, kag ang baláy sang iya amay: lamang ginbilin nila sa duta sa Gosen ang ila kabataan, ang ila mğa obeha, kag ang ila kabakahan. 9 Kag nagtaklad man upud sa iya ang mga kanga kag ang mga manugkabayo, kag nahimo nga isa ka bumuluylug nga tuman ka damu. 10 Kag nag-alabut sila tubtub sa linasan ni Atad, nga yara sa tabok sang Iordan, kag naghalaya sila didto sa daku kag tuman ka bug-at nga panalambiton. Kag si Iose naglalaw sa iya amay sing pito ka adlaw. 11 Kag sang nakita sang mga pumuluyo sang duta, ang mga Kanaanhon, ang lalaw sa linasan ni Atad, nagsililing sila: "Yari karon ang isa ka daku nga lalaw ini sa mga Egiptohanon." Tungud sini ginhingalanan ini nga duug nga Abel-Misraim;* nga yara sa tabok sang Iordan. 12 Busa, ginhimo sang iya mga anak sa iya, sono sang ginsogo niya sa ila. 13 Gindalá sia sang iya mga anak sa duta sa Kanaan, kag ginlubung nila sia sa lungib sang latagon sa Makpela, sa latagon nga ginbakal ni Abraham subung nga kaugalingon nga lulubungan kay Epron, nga Hetinhon, sa atubangan sang Mamre, 14 Kag nagpauli si Iose sa Egipto, sia kag ang iya mga útud, kag ang tanan nga mga nagtalaklad upud sa iya sa paglubung sa iya amay, sa tapus nga nalubung niya sia. 15 Kag sang pagkakita sang mga útud ni Iose, nga ang ila amay patay na, nagsililing sila: "Ayhan pagaka-
hanon. |
68
