| duta sa Kanaan. Busa, ¿paano bala
nga magpangawat kami sa balay sang imo ginoo sing pílak, bisan bulawan? Isa bisan kay sin-o sang imo mga alagad, nga sa iya makita ang tagayan, nga mamatay sia, kag kami nangin mğa alagad pa sang amon ginoo." 10 Kag sia nagsiling: "Karon manginsono man sa inyo mga polong. Yadto nga sa iya makita ini, manginalagad namon, kag kamo manginwalay sala." 11 Niyan nagdalidali sila, kag ginpangholog sang tagsatagsa ang iya suludlan sa duta, kag ginbukaran sang tagsatagsa ang iya suludlan. 12 Kag ginpangita niya: kutub sa magulang nagsugud sia, kag nagtapus sa manghud; kag ang tagayan nakita sa suludlan ni Benyamin. 13 Niyan ginpangusnit nila ang ila mga panapton kag naglulan ang tagsatagsa sa iya asno, kag nagbalalik sila sa banwa. 14 Kag nag-abut si Iuda upud sa iya mga útud sa balay ni Iose, nga yadto pa didto sia, kag naglayaub sila sa duta sa atuhangan niya. 15 Kag nagsiling sa ila si . Iose : "Ano bala nga buhat ini nga ginhimo ninyo? Wala bala kamo makahibalo nga ang isa ka tawo nga subung sa akon nakahibalo magpakot?" 16 Niyan nagsiling si Iuda: "Ano bala ang pagaisiling namon sa amon ginoo? Ano bala ang pagaihambal namon? Okon ano ang pagpamatuud namon? Ang Dios nakakita sang kalainan sang imo mga alagad: yari karon kami mga alagad sang amon ginoo, kami kag yadto man nga sa iya kamut ginkitaan sang tagayan." 17 Kag sia nagsabat: "Wala nga mas-a maghimo ako sing subung: ang lalaki nga sa iya kamut nakitaan sang tagayan, sia manginakon alagad; palauli-kamo sa paghidaet sa inyo amay." 18 Niyan si Iuda nagpalapit sa iya, kag nagsiling: "Ay, ginoo ko! Ginaampo ko sa imo, nga maghambal ang imo alagad sing isa ka polong sa mga idulunğug sang akon ginoo, kag indi magdabdab ang imo kaakig batok sa imo alagad, kay nga ikaw among subung kay Paraon. 19 Ang akon ginoo nagpamangkot sa |
iya mga alagad, nga nagasiling: May
amay bala kamo kon útud? 20 Kag kami nagsabat sa akon ginoo: May isa kami ka tigulang nga amay, kag isa ka pamatan-on nga natawo sa iya sa iya katigulangon, diyotay pa; kag ang isa ka útud niya namatay, kag sia nabilin lamang sa iya ilóy, kag ang iya amay nagahigugma sa iya. 21 Kag ikaw nagsiling sa imo mga alagad Dalha-ninyo sia sa akon, kag pagaibutang ko ang akon mga mata sa ibabaw niya. 22 Kag kami nagsiling sa akon ginoo: ang pamatan-on indi sarang makabiya sa iya amay, kay kon magbiya sa iya, mamatay ang iya amay. 23 Kag nagsiling ka sa imo mga alagad Kon ang inyo útud nga manghud indi magdulhog upud sa inyo, indi na ninyo makita ang akon nawung. 24 Busa nahanabu nga, sang pagtaklad namon sa amon amay, nga imo alagad, ginsugid namon sa iya ang mga polong sang akon ginoo. 25 Kag nagsiling ang amon amay: Balalik-kamo sa pagbakal sa amon sing isa ka diyotay nga kalan-on. 26 Kag kami nagsalabat: Indi kami sarang, makadulhog. Kon ang amon útud magaúpud sa amon magadulhog kami; kay indi kami sarang makatanaw sang nawung sadtong tawo kon walâ upud sa amon útud nga manghud. 27 Niyan ang imo alagad, nga akon amay, nagsiling sa amon: Kamo nakahibalo, nga duha ang gin-anak sa akon sang akon asawa. 28 Kag ang isa naghalín sa akon, kag nagsiling ako: Sa pagkamatuud nga ginkusint sia, tubtub niyan wala ko sia makita. 29 Kag kon kuhaon man ninyo ini sa atubangan nakon, kag mahanabu sa iya ang isa ka kalalat-an, pagapapanaugon ninyo ang akon mga uban nga may malain sa lulubngan. 30 Busa karon, kon mag-abut ako sa imo alagad, nga akon amay, kag ang pamatan-on indi magúpud sa akon, siling nga ang iya kalág natapik sa kalág niya sini, 31 Mahanabu nga, kon indi niya makita ang pamatan-on, mamatay sia. Kag ang imo mga alagad magapapanaug sang mga uban sang imo alagad, nga amon amay, nga may kasakit sa lulubngan. |
60
